Esta clásica ruta de montañismo invernal, moi apropiada para deportistas con experiencia no emprego de raquetas de neve, ademais do uso de crampóns e piolets, estase a converter nunha actividade moi valorada polos amantes da neve e xeo.

Neste caso, a ascensión a Pena Trevinca-Cima de Galicia en condicións invernais, convértese nun referente deportivo dentro do montañismo en Galicia. Desexamos manter o simbolismo do Nadal coa instalación do que denominamos o “Belén da Cima de Galicia”. Este Belén retírase a mediados de xaneiro.

¡¡ As Montañas de Trevinca-A Veiga xa son Paraíso Natural !!
Pola súa fauna e avifauna. Pola súa flora. Pola súa morfoloxía glaciar. Polos seus ríos e vales.
Polos seus bosques e limpos ceos nocturnos.

¡¡ Moi pronto debería de ser !!
¡¡ PARQUE NATURAL !!

Vilanova – Valmeladas – Sestil Alto – Pena Trevinca – Valigota – Lombo do Rocín – Maluro – Vilanova​

DISTANCIA TOTAL: 24.8 km

O longo do percorrido se darán explicacións sobre seguridade en circunstancias de neve e xeo, así como as actuacións convenientes en situacións de perdas ou mal tempo na montaña invernal. A morfoloxía glaciar das montañas de Trevinca completará as clases teórico-prácticas.

• O trazado deste percorrido calculado nunhas oito/nove horas segundo as condicións da neve/xeo, está considerado como normal dentro dunhas cotas de altura de 1.220 a 2.127 m. Se precisa ter coñecementos de técnicas invernais ademais dunha boa condición física apropiada para unha ruta invernal.

• O percorrido comeza na aldea de Vilanova, a uns 1.220 m, con chegada de novo a aldea de Vilanova. A saída se realizará ás 08:30 h. do sábado día 25.

• A distancia a percorrer dende a saída en Vilanova é duns 24,8 Km. e unhas 8/9 horas como tempo total calculado. Tempos e percorrido poden variar con arranxo á meteoroloxía, terreo nevado e condicións físicas dos participantes.

• Ao longo do percorrido se realizarán os necesarios descansos.

• O final do percorrido terá lugar no pobo de Vilanova, onde os participantes poderán recoller os seus vehículos particulares, arredor das 17:30 h.

O equipo e material necesario para esta actividade de medio-alto nivel, tanto físico como técnico, está relacionado coa meteoroloxía propia dun mes de finais de novembro. Ademais do equipo apropiado segundo a climatoloxía, tódolos/as participantes no percorrido deberán levar o calzado idóneo de montañismo invernal / obrigatorio botas de caña alta, raquetas, crampóns e piolet, en caso necesario de condicións de neve dura. Por suposto, auga e comida suficientes para un percorrido dunhas oito/nove horas.

Acompañamento + Raquetas de neve no caso necesario (ata rematar existencias dispoñibles polo club) – Tramitación do seguro de accidentes.

• É conveniente que os/as participantes nesta actividade estean en posesión da Licenza Federativa de Montañismo do ano en curso, de non ser así, deberán comunicalo no momento da inscrición, para que a organización da actividade tramite o seu seguro de accidentes correspondente.

• A organización non se fai responsable dos accidentes ou danos que por causas fortuítas poidan ocorrer ós/ás participantes, pero loxicamente, se intentarán prever e se tratará por tódolos medios de evitalos. A inscrición nesta actividade confirmará a aceptación de dito punto

• Non se permite a participación a persoas maiores de 80 anos, debido a que é a idade máxima que a FGM nos permite tramitar o seguro de accidentes. Así mesmo, polas condicións desta actividade, non se permite a participación a persoas menores de 14 anos.

• Os/as menores de 18 anos terán que ir acompañados dos seus pais ou persoa acreditada que se responsabilice do menor, sempre tendo en conta as probables condicións de neve/xeo do percorrido.

• Os desprazamentos dos/as participantes ata os lugares de reunión e saída, se realizarán por conta propia, nos seus vehículos particulares.

• Ademais do equipo apropiado segundo a climatoloxía, tódolos/as participantes nesta actividade deberán levar o equipo apropiado segundo a climatoloxía, calzado idóneo de montañismo invernal / obligatorio botas de caña alta, raquetas, crampóns e piolet.

• O tipo de comida para esta actividade é conveniente que sexa de tipo lixeiro, pouco peso e fácil dixestión. Nos percorridos por montaña polas súas características, non se permite o consumo de bebidas alcohólicas durante o percorrido.

• Debido ao paso por zonas con abundancia de animais salvaxes e outros de pastoreo, non se permite o acompañamento de cans, ou calquera outro animal de compaña.

• Os/as participantes deberán respectar as instrucións da organización que teñan que ver coa súa seguridade ou a do grupo, de non ser así, poderán ser excluídos da actividade como participantes, baixo a responsabilidade da Dirección da actividade.

• No momento da inscrición, é obrigatorio informar á organización das posibles doenzas que puideran afectar ao participante durante o percorrido.

• O lixo ou restos de calquera tipo xerados durante o percorrido, se depositarán nos contedores habilitados na aldea máis próxima ao punto de chegada.

• Os/as participantes se comprometen a respectar o entorno e a non deixar ningún tipo de lixo, tamén, a evitar calquera dano a animais e plantas.

Dirección e Guía
Antonio Fenández (Cholo)
Técnico Deportivo: Montañismo-Alpinismo-Escalada en Roca

Colaborador
Juanjo Lorenzo Veigas
Técnico Deportivo N2 – Media Montaña

Colaboradora
Mónica Rodríguez Fernández
Técnica Deportiva N1 en Montaña

Colaborador
Marcos Pérez Rivas
Técnic Deportivo N1 en Montaña