04 Ruta do volframio e “fuxidos”

Vilanova – Maluro – Crestón Lombo do Rocín – Foxo do Castaño – Pontón de San Xil – Hermida de San Xil-Casaio. O regreso a A Veiga farase en autobús dende Casaio.

Con esta interesante e clásica “Alta Ruta de Montaña”, preténdese dar a coñecer dous feitos moi enraizados na historia destas montañas, o volframio e os “fuxidos”.

O volframio está incluído dentro das razóns táctico económicas do noso pais dentro dos episodios da Segunda Guerra Mundial. Os “fuxidos” -tamén coñecidos como “maquis”-, despois da nosa Guerra Civil, foron os protagonistas de moitos episodios que inda hoxe están moi presentes na memoria de unha boa parte dos anciáns destas terras.

Juanjo Lorenzo Veigas
Técnico Deportivo N2 – Media Montaña

Antonio Fernández (Cholo)
Técnico Deportivo Alpinismo – Media Montaña – Roca

• Unha boa parte deste itinerario descorre por lugares de extrema fraxilidade ambiental, con características de grande valor natural, razóns que esixen ao participante un especial coidado e atención, tanto nos aspectos botánicos como faunísticos.
• É conveniente que os participantes nesta actividade estean en posesión da Licenza Federativa de Montañismo do ano 2019, de non ser así deberán comunicalo no momento da inscrición, para que a organización da actividade se faga cargo do seu seguro de accidentes correspondente.
• Os/as menores de 18 anos terán que ir acompañados dos seus pais ou persoa acreditada que se responsabilice do menor.
• Os desprazamentos dos/as participantes ata os lugares de reunión e saída, se realizarán por conta propia, nos seus vehículos particulares.
• Para a asistencia á cea en A Veiga, os/as participantes interesados, deberán comunicalo á organización da marcha no momento da inscrición (Prezo 12 €).
• A comida do mediodía se realizará por conta propia.
• Ademais do equipo apropiado segundo a climatoloxía, tódolos/as participantes no percorrido deberán levar o calzado idóneo para unha marcha por montaña, con botas de caña alta e axeitadas para terreos irregulares e pendentes pronunciadas.
• Non se permite a participación de cans ou calquera outro animal de compañía.
• Non se permite o consumo de bebidas alcohólicas durante o percorrido.
• En todo momento, os/as participantes están suxeitos as normas da organización e dirección dos/as responsables do percorrido.
• No momento da inscrición, é obrigatorio informar á organización das posibles doenzas que puideran afectar ao participante durante o percorrido.
• O lixo ou restos de calquera tipo xerados durante o percorrido, se depositarán nos contedores habilitados na aldea máis próxima ao punto de chegada.