0555 “As cores de Trevinca – primavera” Floración do brezo 2026

Lagoa das Tablillas – Lagoas da Mallada dos Currais – Lagoa de Patos – Alto da Lagoa da Cerva – Lagoas da Mallada de Baños – Lagoa das Tablillas.

Con esta interesante ruta pola ZEPA Pena Trevinca (Zona de Especial Conservación das Aves), queremos dar a coñecer unha zona de especial valor natural, onde os restos do glaciarismo deixou unha pegada de lagoas e lagoallos situados en medio dos diferentes tipos de brezo, que nesta época visten a montaña de cores brancos e púrpura.

• O percorrido comeza en Lagoa das Tablillas (límite de Ourense e Zamora), a 1.530 m, con regreso o mesmo lugar para a recollida dos vehículos. A saída se realizará ás 09:30 h. do sábado día 23.

• A distancia a percorrer é duns 18,5 Km. e unhas 5/6 horas como tempo total calculado. Tempos e percorrido poden variar con arranxo á meteoroloxía, terreo e condicións físicas dos participantes.

• Ao longo do percorrido se realizarán os necesarios descansos.

• O final do percorrido terá lugar no mesmo lugar da saída arredor das 17:00 h

O equipo e material necesario para esta actividade de medio nivel físico, está relacionado coa meteoroloxía propia dun da época de finais de maio. Ademais do equipo apropiado segundo a climatoloxía. Tódolos/as participantes no percorrido deberán levar o calzado idóneo de montañismo para un terreo irregular, sendo recomendable pantalón largo pola vexetación primaveral e botas de caña alta polo mesmo motivo, ademais de auga e comida suficientes para un percorrido dunhas sete horas.

Se recomenda crema solar, gafas de sol, gorra/visera, etc. e unha prenda de roupa seca para cambiarse en caso de choiva.

Acompañamento + Tramitación do seguro de accidentes para os non federados

• A data límite para anotarse á actividade, xoves, 21 de maio até as 15:00 horas.

• Debido a previsión de organización da actividade non se devolverá a contía da inscrición  a non ser que se suspenda por parte da organización.

• É conveniente que os participantes nesta actividade estean en posesión da Licenza Federativa de Montañismo do presente ano, de non ser así deberán comunicalo no momento da inscrición para que a organización da actividade se faga cargo do seu seguro de accidentes correspondente.

• A organización non se fai responsable dos accidentes ou danos que por causas fortuítas poidan ocorrer ós/ás participantes, pero lóxicamente, se intentarán prever e se tratará por tódolos medios de evitalos. A inscrición nesta actividade confirmará a aceptación de dito punto

• Non se permite a participación a persoas maiores de 85 anos, debido a que é a idade máxima que a FGM nos permite tramitar o seguro de accidentes. Así mesmo, polas condicións desta actividade, non se permite a participación a persoas menores de 12 anos.

• Os/as menores de 18 anos terán que ir acompañados dos seus pais ou persoa acreditada que se responsabilice do menor, sempre tendo en conta as condicións do percorrido.

• Para este tipo de actividade ornitolóxica se recomenda traer prismáticos para a observación das aves.

• Os desprazamentos dos/as participantes ata os lugares de reunión e saída, se realizarán por conta propia, nos seus vehículos particulares.

• O tipo de comida para esta actividade é conveniente que sexa de tipo lixeiro, pouco peso e fácil dixestión, ademais de auga abundante en caso de calor. Nos percorridos por montaña polas súas características non se permite o consumo de bebidas alcohólicas durante o percorrido. Hai posibilidade de comer na feira de gando en Porto.

• Debido ó paso por zonas con abundancia de animais salvaxes e outros de pastoreo, non se permite o acompañamento de cans, ou calquera outro animal de compaña.

• Os/as participantes deberán respectar as instrucións da organización que teñan que ver coa súa seguridade ou a do grupo, de non ser así, poderán ser excluídos da actividade, baixo a responsabilidade da Dirección da actividade.

• A organización poderá variar os horarios e o percorrido por motivos meteorolóxicos ou de conveniencia da actividade.

• No momento da inscrición, é obrigatorio informar á organización das posibles doenzas que puideran afectar ao participante durante o percorrido.

• O lixo ou restos de calquera tipo xerados durante o percorrido, se depositarán nos contedores habilitados na aldea máis próxima ao punto de chegada.

• Os/as participantes se comprometen a respectar o entorno e a non deixar ningún tipo de lixo, tamén, a evitar calquera dano a animais e plantas.

Marcos Pérez Rivas
Coñecedor da avifauna Montañas de Trevinca
Dirección da Actividade

Juanjo Lorenzo Veigas
Técnico Deportivo N2 – Media Montaña
Guía da Actividade

Mónica Rodríguez Fernández
Técnico Deportiva N1
Colaboradora

Antonio Fernández (Cholo)
Técnico Deportivo en Alpinismo-Montañismo-Escalada en Roca
Colaborador