04 “As Cores de Trevinca” Nacemento do Río Bibey e Montouto

Con esta interesante e pouco frecuentado itinerario ata o nacemento do río Bibey, iremos coñecendo a parte alta do grande val glaciar deste caudaloso río.

O Montouto (Moncoubo), magnífica atalaia sobre o val glaciar e impresionante espolón de montaña no medio do Bibey e o arroio do Vedul, presenta na súa cima dúas  interesantes lagoiñas.

A lagoa de A Serpe, de  recoñecido valor antropolóxico cá súa lenda de serpe e  doncela enfeitizada, sempre resulta interesante visitala e admirala.

Vilanova – Sestil Alto – Piatorta – Fonte Bibey – Portelo da Veiga do Vedul – Montouto (Moncoubo) – Lagoa de A Serpe – A Ponte.

• O percorrido comeza na aldea de Vilanova, a 1.220 m, con chegada a aldea de A Ponte. A saída se realizará ás 09:00 h. do sábado día 12.

• A distancia a percorrer dende a saída en Vilanova é duns 28,7 Km. e unhas 9:30 horas como tempo total calculado. Tempos e percorrido poden variar con arranxo á meteoroloxía, terreo e condicións físicas dos participantes.

• Ao longo do percorrido se realizarán os necesarios descansos.

• O final do percorrido tenrá lugar na aldea de A Ponte, onde se trasladará aos condutores dos vehículos a recollerlos en Vilanova, arredor das 18:30 h

Acompañamento + Tramitación do seguro de accidentes para ls non federados- traslado aos condutores a Vilanova a recoller os vehículos

• Debido a previsión de organización da actividade non se devolverá a contía da inscrición si se fai a anulación da mesma con 10 días ou menos antes da celebración da actividade, a non ser que se suspenda por parte da organización.

• É conveniente que os/as participantes nesta actividade estean en posesión da Licenza Federativa de Montañismo do ano en curso, de non ser así, deberán comunicalo no momento da inscrición para que a organización da actividade tramite o seu seguro de accidentes correspondente.

• A organización non se fai responsable dos accidentes ou danos que por causas fortuítas poidan ocorrer ós/ás participantes, pero loxicamente, se intentarán prever e se tratará por tódolos medios de evitalos. A inscrición nesta actividade confirmará a aceptación de dito punto

• Non se permite a participación a persoas maiores de 80 anos, debido a que é a idade máxima que a FGM nos permite tramitar o seguro de accidentes. Así mesmo, polas condicións desta actividade, non se permite a participación a persoas menores de 14 anos.

• Os/as menores de 18 anos terán que ir acompañados dos seus pais ou persoa acreditada que se responsabilice do menor, sempre tendo en conta as condicións do percorrido.

• Os desprazamentos dos/as participantes ata os lugares de reunión e saída, se realizarán por conta propia, nos seus vehículos particulares.

• Ademais do equipo apropiado segundo a meteoroloxía, tódolos/as participantes nesta actividade deberán levar o equipo apropiado segundo a meteoroloxía, calzado idóneo de montañismo en terreo irregular.  Se recomenda pantalón largo debido a alta vexetación primaveral.

• O tipo de comida para esta actividade é conveniente que sexa de tipo lixeiro, pouco peso e fácil dixestión, ademais de auga abundante en caso de calor. Nos percorridos por montaña polas súas características, non se permite o consumo de bebidas alcohólicas durante o percorrido.

• Debido ó paso por zonas con abundancia de animais salvaxes e outros de pastoreo, non se permite o acompañamento de cans, ou calquera outro animal de compaña.

• Os/as participantes deberán respectar as instrucións da organización que teñan que ver coa súa seguridade ou a do grupo, de non ser así, poderán ser excluídos da actividade como participantes, baixo a responsabilidade da Dirección da actividade.

• No momento da inscrición, é obrigatorio informar á organización das posibles doenzas que puideran afectar ao participante durante o percorrido.

• O lixo ou restos de calquera tipo xerados durante o percorrido, se depositarán nos contedores habilitados na aldea máis próxima ao punto de chegada.

• Os/as participantes se comprometen a respectar o entorno e a non deixar ningún tipo de lixo, tamén, a evitar calquera dano a animais e plantas.