Nos gustaría que se coñecera o mundo natural de montaña, tanto nos seus aspectos nocturnos como diúrnos. Coma neste caso, os cervos macho realizan un cortexo e loita ritual no período de celo outonal, en busca de territorio e tódalas femias que puideran reunir.

Esta actividade parécenos moi apropiada para toda idade e condición física, ademais de difundir as imprescindibles normas de información,  respecto e protección do mundo animal.

¡¡ As Montañas de Trevinca-A Veiga xa son Paraíso Natural !!
Pola súa fauna e avifauna. Pola súa flora. Pola súa morfoloxía glaciar. Polos seus ríos e vales.
Polos seus bosques e limpos ceos nocturnos.

¡¡ Moi pronto debería de ser !!
¡¡ PARQUE NATURAL !!

A Ponte – Pena Ferro – Regueiro dos Poulos – Lagoa de Ocelo – A Ponte

DISTANCIA TOTAL: 15 km

• O trazado deste percorrido calculado nunhas 05:30 horas, considerado como normal/baixo dentro dunhas cotas de altura de 1.400 a 1.600 m non precisa de condicións técnicas especiais nin dun gran estado físico, sen embargo, é aconsellable unha boa e normal condición física.

• O percorrido comeza no pobo de A Ponte, a uns 1.100 m., con regreso ao mesmo pobo. A recepción de participantes se realizará ás 18:00 h. do sábado día 19.

• A distancia a percorrer dende a saída en A Ponte, con regreso ao mesmo pobo é duns 15 Km. e 5:30 horas como tempo total máximo. Tempos e percorrido poden variar con arranxo ás posibilidades de escoitar aos cervos en calquera das zonas escollidas.

• Ao longo do percorrido se realizarán os necesarios descansos.

• O final do percorrido terá lugar no pobo de A Ponte, previsiblemente, a chegada será arredor das 24:00 horas do sábado día 19.

O equipo e material necesario para esta actividade de normal/baixo nivel tanto físico como técnico, está relacionado coa meteoroloxía propia dun mes de outubro. Aconsellamos prendas de roupa para frío e/ou posibilidade de choiva. É necesario ademais frontal ou lanterna e pilas de reposto. Imprescindible a mochila, por suposto, augua e comida suficientes para un percorrido dunhas cinco horas e media (5:30 h).

• É conveniente que os/as participantes nesta actividade estean en posesión da Licenza Federativa de Montañismo do ano 2019, de non ser así, deberán comunicalo no momento da inscrición, para que a organización da actividade tramite o seu seguro de accidentes correspondente.

• A organización non se fai responsable dos accidentes ou danos que por causas fortuítas poidan ocorrer ós/ás participantes, pero loxicamente, se intentarán prever e se tratará por tódolos medios de evitalos. A inscrición nesta actividade confirmará a aceptación de dito punto

• Os/as menores de 18 anos terán que ir acompañados dos seus pais ou persoa acreditada que se responsabilice do/a menor.

• Os desprazamentos dos/as participantes ata os lugares de reunión e saída, se realizarán por conta propia, nos seus vehículos particulares.

• Ademais do equipo apropiado segundo a climatoloxía, tódolos/as participantes no percorrido deberán levar o calzado idóneo para unha marcha por pistas forestales. Recomendamos botas de caña alta, inda que o terreo non ten fortes desniveis e, neste caso, non é moi accidentado. É conveniente levar algunha prenda de abrigo para os descansos.

• O tipo de comida para esta actividade é conveniente que sexa de tipo lixeiro, o aconsellable, podería ser: froitas secas (pasas, figos, cirolas, dátiles, etc.), barriñas de cereais, chocolate, algunha froita, auga suficiente ou algunha bebida enerxética. Nos percorridos por montaña polas súas características, non se permite o consumo de bebidas alcohólicas durante o percorrido.

• Debido ao paso por zonas con abundancia de animais salvaxes e outros de pastoreo, non se permite o acompañamento de cans, ou calquera outro animal de compaña.

• Os/as participantes deberán respectar as instrucións da organización que teñan que ver coa súa seguridade ou a do grupo, de non ser así, poderán ser excluídos da actividade como participantes, baixo a responsabilidade da Dirección da actividade.

• No momento da inscrición, é obrigatorio informar á organización das posibles doenzas que puideran afectar ao participante durante o percorrido.

• O lixo ou restos de calquera tipo xerados durante o percorrido, se depositarán nos contedores habilitados na aldea máis próxima ao punto de chegada.

• Os/as participantes se comprometen a respectar o entorno e a non deixar ningún tipo de lixo, tamén, a evitar calquera dano a animais e plantas.

Dirección
Mónica Rodríguez Fernández
Técnica Deportiva N1

Colaborador
Juanjo Lorenzo Veigas
Técnico Deportivo N2 – Media Montaña

Colaborador
Marcos Pérez Rivas

Colaborador
Antonio Fenández (Cholo)
Técnico Deportivo: Montañismo-Alpinismo-Escalada en Roca